КӨКШЕТАУЛЫҚ ОҚУШЫЛАР ЕРЕКШЕ БІЛІМ БЕРУ ҚАЖЕТТІЛІКТЕРІ БАР БАЛАЛАРҒА АРНАЛҒАН БІЛІМ БЕРУ САЙТЫН ӘЗІРЛЕДІ

Көкшетау қаласының №6 мектеп лицейінің 10 сынып оқушылары «Ерекше білім беру қажеттіліктері бар балаларға арналған виртуалды шындық» жобасын әзірледі. Бұл жобаны балалар Көкшетау қаласындағы жоғары техникалық колледжінде өткен жоғары сынып оқушыларына арналған «Білім берудің инновациялық шешімдері» хакатонында ұсынды.

Хакатон – бұл командалардың клиенттің алдында тұрған мәселені шешу үшін мобильді қосымшаның, веб-қызметтің немесе басқа өнімнің прототипін уақытша жасайтын жарыс түрі.

Әділ Қозыбек, Алинар Салық және Нұрқанат Сиражиденнен құралған «EduVators» командасы ерекше білім беру қажеттіліктері бар балаларға арналған виртуалды шындыққа тоқталды. Бұл тақырыпты өзектілігі мен есту қабілеті нашар балаларға білім беру тәсілдерін жақсарту және оларды жеңілдету мүмкіндігі үшін таңдады.

«Қазіргі уақытта оқытудың бұл әдісі көптеген дамыған елдерде бар. Біздің жоспарларымыз виртуалды оқу ортасын құруға болатын сайтты немесе қолданбаны әзірлеуді қамтиды. Біз өзімізді білім беру ортасын жақсы жаққа өзгертетіндер ретінде көрдік. Білім берудегі виртуалды шындықты оқытуды жаңарту және оны барлық оқушылар үшін қолжетімді әрі қызықты ету мүмкіндігі деп санадық», – деп бөлісті команда жетекшісі, информатика пәнінің мұғалімі Жаныл Сәрсенбаева.

«Алинар химия, биология, физика, информатика, робототехника, география пәндері бойынша виртуалды шындықты қолдайтын сайт құруды ұсынды. Ал Нұрқанат пән бойынша виртуалды зертхана құру идеясын ұсынды. Мысалы, ол химиядан элементтер мен реакциялардың қосылысын көргісі келді. Сондай-ақ, осы сайт арқылы оқушылар шын өмірде көре алмайтын барлық нәрсені көре алады. Мысалы, адамның дене құрылымы, қанның артериялар арқылы қалай ағып жатқанын, жүректің қалай соғатынын түсіну. Бүгінгі таңда ең бастысы – басқа балалармен бірге ерекше білім беру қажеттіліктері бар балаларды оқыту мүмкіндігі. Біз бұл сайтқа оларға тапсырмалар қосуды шештік», – деді жас әзірлеушілердің бірі Әділет Қозыбек.

Айтпақшы, балалар мұғалімдерге өздерінің зертханалық тапсырмаларын жариялау және оқу үшін қызықты материалдарды орналастыру арқылы осы сайтты дамытуға қатысуды ұсынады.