Жамбыл облысы: “Елбасы – жастар тірегі” фестивалы ұйымдастырылды

Жамбыл облыстық білім басқармасының ұйытқы болуымен Тараз қаласындағы “JASTAR” аллеясында Елорда күніне орай “Елбасы – жастар  тірегі” атты фестиваль ұйымдастырылды, – деп хабарлвйды білім басқармасының баспасөз қызметі. 

Аталған фестивальдің негізгі мақсаты жастарға, Қазақстан Республикасының Тұңғыш Президенті туралы мәлімет беріп, азаматтарды өз Отанын қорғауға, туған жерін сүюге, сақтауға, құрметтеуге тәрбиелеу болды. Іс-шара барысында Техникалық және кәсіптік білім беру мекемелерінің студенттері  қолөнер бұйымдары мен астық өнімдерінен көрме ұйымдастырып, өнерлерін ортаға салды. Фестиваль соңында колледждердің белсенді студенттері «Ең үздік волонтер – 2020», «Білім үздігі», «Ең үздік өнер қыраны – 2020», «Ең үздік спортшы – 2020»  номинацияларымен  марапатталды.