Тілді креативті түрде үйренудің тәсілі

Ақтоғай ауданының Приреченск орта мектебінде “LinguaJaz” тілдік онлайн-лагері жұмысын бастады. Тілдік онлайн ләгер қызықты әдістермен ерекшеленеді. Жұмыс кезінде тәлімгер – ұстаздар қазақ және ағылшын тілдерін үйрену үшін бірнеше әдіс ұсынады, – деп хабарлайды Павлодар облыстық білім басқармасының баспасөз қызметі.

Edutainment әдісі – ойын-сауық арқылы оқыту. Балалар караокемен ән шырқап, тақпақ айтып, фильмді субтитрмен қарап тілді тезірек меңгереді. Sticker әдісі – шәкірт күнделікті қолданатын заттарына аудармасымен стикер жапсырады. Tik-tok марафоны – жастар арасындағы әйгілі трендты TikTok қосымшасы арқылы тілдік ортаға кіру. Тәлімгер-ұстаз оқушыларға тақырып бойынша жаңа сөздерді екі тілде видео ұсынады. Лагерь Instagram әлеуметтік желі арқылы жұмысын жасайды, сол жерде балалар өз өнерлерін көрсете алады. Тілді үйрену бізбен бірге қызық!