Ұлттық бірыңғай тестілеу тұңғыш рет онлайн ұйымдастырылды

Биыл тұғыш рет 733 қандас талапкер ұлттық бірыңғай тестілеудің сынақтарын онлайн тапсырды. «Отандастар қоры» жұқпалы індет салдарынан шетелден келе алмай қалған жастардың өтінші бойынша ҰБТ онлайн өткізу бастамасын осыдан үш ай бұрын көтерген болатын, – деп жазады республиклық “АБАЙ,кз” ақпараттық порталы.

Білім және ғылым, Сыртқы істер министрліктерінің, Ұлттық тестілеу орталығының қолдауымен еліміздің аумағында короновирустық инфекцияның пайда болуы мен таралуына жол бермеу жөніндегі ведомствоаралық комиссия отырысында шетелдегі қандас жастарға ҰБТ «Онлайн» өткізу шешімі қабылданды. Білім және ғылым министрлігі тарапынан талапкерлерді ұлттық біріңғай тестілеуге даярлайтын дайындық бөліміне 2018-2019 жылы 992, 2019-2020 жылы 1300, 2020-2021 жылға 1300 орын бөлінген.

Жыл сайын қандастарды қабылдауға арналған квота 2%-дан, 4%-ға өсті. Биылғы жылы ҰБТ тапсыруға 2025 қандасымыздан өтініш түсті. Қандас талапкер жастардың басым бөлігі ҰБТ ел ішінде тапсырды. Елге келе алмаған қандас талапкерлердің онлайн тест тапсыруына атсалысқан барша мамандардың қызметіне ризашылығымды білдіремін, – дейді «Отандастар қорының» вице-президенті Мағауия Сарбасов.   Еске салайық, қандас талапкерлер онлайн тестілеу барысының бейнежазбасын Ұлттық тестілеу орталығының nct-kt@mail.ru поштасына жіберілмеген жағдайда, тестілеу нәтижесі жойылатын болады.