“Жазғы бенефис – 2020”: Шарбақтылық шәкірттердің шығармашылығы
Шарбақты ауданының «Радуга» мектептен тыс жұмыс орталығы тұрмыстық қалдықтардың көбейіп кетуіне және экологиялық мәселелердің алдын алу, балалардың экологиялық мәдениетін жоғарлату мақсатында “Жазғы бенефис – 2020” бағдарламасы негізінде ұйымдастырылған, қашықтықтағы «Аула квесті» ландшафтты дизайн жасау байқауында бақтарын сынады, – деп хабарлайды Павлодар облысы білім басқармасының баспасөз қызметі.
Сайысты ұйымдастыру ережелері мен шарттары WhatsApp мобильді қосымшасы арқылы аға тәлімгерлерге жіберіліп, балалардың дайын жұмыстары да осы қосымша арқылы қабылданып отырды. Іс-шара өту барысында 1-6 сынып оқушылары аула, бақша, жеке учаскелерінің креативті түрде безендіріп, түрлі жұмыстарымен қуантты. Жұмыстарды асқан шығармашылықпен,табиғатқа зиянын келтірмей, қатты тұрмыстық қалдықтардан жасады. Қатысушылар алғыс хаттармен дипломдармен марапатталды.
