Асхат Аймағамбетов: Педагог мамандығын таңдаған талапкерлер саны еселеп артты

– Бұрын өздеріңіз білетіндей педагогикалық мамандыққа елу балмен оқуға түсуге мүмкіндік болса, өткен жылы оны 60 балға дейін көтердік. Мемлекет басшысы тапсырмасының аясында бұл бағалау дейгейін 70 балға дейін жоғарылатқан болатынбыз. Биылғы ұлттық бірыңғай тестілеудің нәтижесінде осы ұстанымның оң  нәтижесін көріп отырмыз. Биыл педагогикалық мамандықтарды таңдаған түлектердің саны тек «Алтын белгі« иегерлерін алатын болсақ, екі өсе өсті. 1 500-ден астам «Алтын белгі« иегері педагогикалық мамандықты таңдап отыр. Бұл бүгінгі мемлекет саясатының, жалпы педагогтардың мәртебесін көтеру жұмысының үлкен жемісі деп санаймын, – деді Қазақстан Республикасының Білім және ғылым министрі Асхат Қанатұлы отандық педагогтер мен білім және ғылым саласы қызметкерлерінің республикалық тамыз кеңесі барысында.