Ақтөбе өңірлік университеті: Мектеп оқушыларына арналған “Физика” оқулығы таныстырылды

Осы жылдан бастап Қазақстан Республикасы Білім және ғылым министрлігі бекіткен жаңа оқулық қазақ және орыс тілдерінде жаңартылған бағдарлама бойынша 11 сынып оқушыларына жол тартады. Білім күні мерекесі қарасаңында Қ.Жұбанов атындағы Ақтөбе өңірлік университетінде физика-математика ғылымдарының докторы, профессор Қуанышбек Шүңкеевтің жетекшілігімен мектеп оқушыларына арналған «Физика» оқулығы таныстырылды, – деп хабарлайды осы жоғары оқу орнының баспасөз қызметі.

Жиынға қатысқан Ақтөбе облысының білім басқармасының басшысы  Ләззат Оразбаева жаңа оқулық авторларын құттықтап, ғалымдарды қолдаған және ғылымды дамытуға үлес қосқаны  үшін университет басшылығына алғысын білдірді. Қ.Жұбанов атындағы Ақтөбе өңірлік университетінің 85 жылдық мерейтойына орай жоғары оқу орнын дамытудың стратегиялық жоспарының арқасында профессор Қуанышбек Шүңкеев басқаратын «Материалдардың радиациялық физикасы» ғылыми-зерттеу орталығы теңдесі жоқ заманауи жабдықтармен жабдықталды.

Мұнда радиация, температура және деформация кристалына ұшыраған кезде кең спектрде және температурада жұмыс істейтін абсорбциялық, термоактивті және люминесцентті спектроскопия арқылы зерттеулер жүргізіледі. Ғылыми орталық физика мамандығы бойынша бакалавриатты, магистратураны, докторантураны жүзеге асырады. Физика білім бағдарламасы бойынша диссертациялық кеңес жұмыс істейді. Айта кетейік, осы уақытқа дейін профессор Қуанышбек Шүңкеевтің жетекшілігімен физика-математика ғылымдарының кандидаты және PhD докторлары ғылыми дәрежесін алу үшін 10 диссертация қорғалды.

Понравился пост? Расскажи об этом своим друзьям!
Загрузка...

Добавить комментарий