Қазақстан құрамасы алтын, күміс және екі қола медальге ие болды

Қазақстан құрама командасы алғаш рет информатикадан Еуропалық жасөспірімдер олимпиадасына (European Junior Olympiad in Informatics) қатысты. Жас программистер арасында өткен халықаралық жарыста қазақстандық оқушылар жақсы нәтижелер көрсетті, – деп хабарлайды Білім және ғылым министрлігінің баспасөз қызметі.

Биыл Олимпиадаға 27 мемлекеттен 90-нан астам оқушы қатысты. Құрама команда мүшелері ұлттық жарыстар қорытындысы бойынша анықталған болатын. Сәйкесінше, қазақстандық құрама команда мүшелері – информатика пәні бойынша республикалық олимпиада жеңімпаздары мен жүлдегерлері. Олимпиада қорытындысы бойынша қазақстандық оқушылар жақсы нәтижелер көрсетіп, жоғары марапатқа ие болды.

Ван Ли – алтын медаль;
Таймас Корғанбаев – күміс медаль;
Әділ Сұлтанов – қола медаль;
Рамазан Пердебай – қола медаль. Биыл European Junior Olympiad Informatics (EJOI) ұйымдастыру комитеті олимпиаданы онлайн режимде өткізу туралы шешім қабылдаған болатын.