NIS кураторлары облыстың үш жүз мұғалімімен тәжірибе бөлісті

Қызылорда қаласындағы Назарбаев Зияткерлік мектебі Педагогикалық шеберлік орталығымен бірлесіп “Қашықтан оқыту жағдайында ата-аналармен жұмысты ұйымдастыру жолдары” тақырыбында облыстық вебинар өткізді, – деп хабарлайды осы білім ордасының баспасөз қызметі.

Онлайн жиынға аймақтағы жалпы білім беретін мектептің үш жүзге жуық сынып жетекшілері қатысты. Вебинарды НЗМ-нің педагог-ұйымдастырушы-кураторлары Гүлзат Шынтасова және Ақбота Жұмабаева жүргізді. Олар қашықтан білім беру жағдайында тәрбие бағытындағы жұмыстарды ата-аналарға ұйымдастырудың тәжірибелерін көрсетті.

«100 кітап», «Отбасылық сенбі», «Менің өмірімде қолданылатын мақал-мәтелдер», «Ақылды бейсенбі», «100 ән», «100 күй» және т.б жобалардың өткізілу ерекшеліктерімен таныстырып, әлеуметтік желідегі чаттарда ата-аналармен байланыс орнатудың қағидаларымен бөлісті. Тыңдаушылар вебинардан алған ақпараттарының өзектілігін атап өтіп, алдағы уақытта білім ұйымдарындағы тәрбие жұмыстарында іске асыратынын кері байланыс арқылы білдірді.