Бақыткүл Қолдасбекова,Әлихан Бөкейхан атындағы №76 мектеп-лицейдің физика пәні мұғалімі: Жастарға жанашырлық жасайық
Білім – өркениетті жұрттың құнды капиталы, сенімді тірегі. Болашақтың құзыретті тұлғасын тәрбиелеудегі зор міндетті жүктеген, ұстаздықты мұрат еткен жас мамандардың қадамыңа құт, еңбек жолыңа сәттілік тілеу парызымыз.
Өйткені аға буын өкілдерінің тәуелсіз еліміздің білім мен ғылым саласын ілгері дамытуға қосқан сүбелі үлесін жаңашылдықпен сабақтастыру арқылы биік белестерге жетелейтін бүгінгі жас мамандарымыз. Мемлекет тарапынан кейінгі толқынды жан-жақты қолдау күшейіп, әлеуметтік кепілдіктердің көбейгені баршамызға белгілі. Қажетті қамқорлық қолын созып, жанашырлық жасауға мүмкіндігі бар азаматтар мүдделілік танытса берекелі бірлігімізді бекемдеудің бір белгісі болары даусыз.
Осы орайда алғашқы кәсіби мерекесі қарсаңында мұғалімдік жолға қадам басқан біздің білім ордасындағы физика пәнінің мұғалімі БАЙБУСИНОВА Айнар Қайратқызына “Білімді ел – Образованная страна” республикалық білімділік, қоғамдық-саяси газетінің бір жылдық жазылымын сыйға тартуды ұйғардым.
Бақыткүл Әлімқасқызы ҚОЛДАСБЕКОВА,
Әлихан Бөкейхан атындағы №76 мектеп-лицейдің
физика пәні мұғалімі, Нұр-Сұлтан қаласы
