Алматыдағы NIS оқушысы Асылбек Олжабаев “Түймаада” жеңімпазы атанды⠀

NIS оқушысы «Түймаада» беделді халықаралық олимпидасының жеңімпазы ретінде танылды. Алматы қаласындағы физика-математика бағытындағы Назарбаев Зияткерлік мектебінің оқушысы Асылбек Олжабаев алтын медальға қол жеткізді, – деп хабарлайды осы білім ордасының баспасөз қызметі.

Сондай-ақ, осы Зияткерлік мектептің екі оқушысы Альдинаш Сейтенов пен Әбдіразақ Нұрасыл, Талдықорғандағы NIS оқушысы Махмұт Омар қола медальді қанжығаларына байлады. Әйгілі халықаралық олимпиада биыл алғаш рет қашықтан ұйымдастырылған болатын. Бағдарламаға жалғыз ғана пән – математика енгізілді.⠀NIS оқушыларының «Түймаада» олимпиадасындағы жеңістері игі дәстүрге айналып үлгерді.