Павлодар музыкалық кешенінің оқушысы Батырхан Шөкенов атындағы стипендияның иегері атанды

Батырхан Шөкенов атындағы қоғамдық қор Болат Өтемұратов Қорының қолдауымен Батырхан Шөкенов атындағы 2020-2021 оқу жылына арналған стипендия иегерлерінің есімдерін жариялады. Биыл оқуға материалдық қолдау алатын дарынды музыканттардың қатарында “Павлодар қаласының музыкалық колледжі және дарынды балаларға арналған мектеп-интернаты” кешенінің оқушысы Даниил Борисов бар, – деп хабарлайды облыстық білім беру басқармасының баспасөз қызметі.

Стипендия тағайындау конкурсына қатыса отырып, Даниил музыкалық туындылардың бейнежазбаларын ұсынды, сондай-ақ қазылар алқасының мүшелерімен әңгімелесуден өтті. Осылайша, сарапшылар оның орындаушылық шеберлігін, әртістігі мен уәждемесін толық көлемде бағалай алды. Финалдық кезеңге барлығы он бес адам қатысты.