Жамбылдық төрт ұстаз республикалық байқаудың үздігі атанды
“Үздік педагог – 2020” республикалық байқауында аталмыш атаққа облыстың төрт ұстазы лайық деп танылды, – деп хабарлайды Жамбыл облыстық білім басқармасының баспасөз қызметі.
Олардың қатарында: облыстық дарынды балаларға арналған мамандандыпылған ІТ лицей-интернатының тарих пәнінің мұғалімі Жангазиева Жанар Урунбасарқызы; облыстық дарынды балаларға арналған ️«Дарын» мектеп-интернатының физика пәнінің мұғалімі Досыбаев Жандос Ильясұлы; Меркі ауданындағы №17 И.Трубицын атындағы мектеп-гимназияның орыс тілі мен әдебиеті пәнінің мұғалімі Каймалакова Нагима Уйсінбайқызы; Жамбыл политехникалық жоғары колледжінің арнайы пән оқытушысы Мураталиев Қанатбек Шыныбекұлы бар. Жеңімпаздарға «2020 жылдың үздік педагогі» төс белгісі және 2 778 000 теңге қаржылай сыйақының сертификаттары табысталды.
