Инклюзияны қолдау кабинеттерi

Ерекше балалардың бiлiм алуына тең қолжетiмдiлiктi қамтамасыз ету-басты мiндеттердiң бiрi. Бүгiнгi таңда бiздiң өңiрде ерекше бiлiм берiлуiне қажеттiлiгi бар балалар санының көптiгi сақталып отыр, 4 мыңнан астам. Балаларға көмек көрсету, ата-аналарға кеңес беру үшiн инклюзивке жағдай жасаған бiлiм беру ұйымдарының желiсiн кеңейту бойынша жұмыс жалғасуда,-деп хабарлайды Солтүстік Қазақстан облысы Білім беру басқармасының баспасөз қызметі.

Солтүстiк Қазақстан облысының әкiмi Қ.I. Ақсақаловтың тапсырмасы бойынша 2019-2020 оқу жылы iшiнде жергiлiктi бюджет қаражаты, меценаттар есебiнен облыстың 8 ауданында ерекше бiлiм берiлуiне қажеттiлiгi бар балаларға (Тайынша, Аққайың, Мамлют, М. Жұмабаев, Ғ. Мүсiрепов, Шал ақын, Есiл, Қызылжар) инклюзияны қолдау сыныптары ашылды.

Жаңа оқу жылында тағы 4 ауданда (Айыртау, Жамбыл, Уәлиханов, Тимирязев) ашылды. Кабинеттердiң ашылуы қалада ғана емес, ауылдық жерлерде де ЕБҚ бар балаларды психологиялық-педагогикалық қолдау үшiн қолайлы, жайлы жағдай жасауға мүмкiндiк бердi. Сондай-ақ инклюзивтi бiлiм берудi дамытуға ықпал етедi.

Инклюзияны қолдау кабинеттерi оқу үшiн ерекше жағдайларды қажет ететiн балаларға өз құрдастарының арасында жалпы бiлiм беретiн мектепке бейiмделуге, әлеуметтенуге мүмкiндiк бередi.ИҚК-де барлық қажеттi жағдайлар жасалған, логопедтермен сабақтар, психологиялық қызмет жұмыс iстейдi, тьютерлердi сүйемелдеу ұйымдастырылған.Кабинеттердi ашу бойынша жұмыс жалғасуда, жыл соңына дейiн осындай кабинет Ақжар ауданында ашылады.