Кітапханаға қатысты тиімді тәсіл

«Өрлеу» БАҰО» АҚ филиалы Маңғыстау облысы бойынша ПҚ БАИ кітапхана ісінің бас маманы ұйымдастыруымен қыркүйек айында  «Кітапхана жұмысын тиімді ұйымдастыру: жаңаша көзқарас» тақырыбында вебинар болып өтті.

Вебинар мақсаты-қашықтан оқыту жағдайында оқырмандарға кітапханалық қызмет көрсетуді ұйымдастырудағы өзекті мәселелер бойынша кітапханашыларға әдістемелік қолдау көрсету және кеңес беру. Шара барысында шалғай ауылдағы Тәжен мектебінің кітапханашысы Ушыға Илясова «Кітапхананың ақпараттық-білімдік ортасын құру», Маңғыстау облыстық «Білім-инновация» мектеп-лицейі кітапханашысы Айгерім Тайманова «Мектеп кітапханасындағы жұмыстың заманауи әдістері», Ақтау қаласы Өмірзақ орта мектебінің кітапханашысы Жаңыл Дерекбаева «Қашықтан оқырманға кітап оқуды қалай ұйымдастырған тиімді?» атты тақырыптар бойынша өздерінің іс-тәжірибелерін ортаға салды.

Вебинарда қашықтан оқыту жағдайында оқырманға кітапты насихаттау және кітап оқуды ұйымдастырудағы проблемалық мәселелер талқыланып, оқырманмен жұмыс жасауды жетілдірудің әдіс-тәсілдері жөнінде әдістемелік ұсыныстар берілді. Шара соңында қатысушылар тақырыпқа қатысты пайдалы сілтемелер алып, осындай шаралардың мектеп кітапханашылары арасында жиі өткізіліп тұруы жөніндегі ұсыныстарын жеткізді.

Ақкүріш ӨТЕБАЕВА,
“Өрлеу” БАҰО” АҚ филиалы Маңғыстау облысы
бойынша ПҚ БАИ кітапхана ісінің бас маманы