Министрлік кез келген оқыту форматына дайын – Дәуленов
Білім және ғылым вице-министрі Мирас Дәуленов оқушылар үшін екінші тоқсан қандай форматта өтетінін айтты. Сондай-ақ, ол білім министрлігі кез келген оқу форматына дайын екендігін, дегенмен, басты шешімді Денсаулық сақтау министрлігі және коронавируспен күрес жөніндегі ведомствоаралық комиссия қабылдайтынын жеткізді.
– Екінші тоқсандағы оқыту форматында нақты бір аймақтағы және елдегі санитарлық-эпидемиологиялық ахуал ескеріледі, соған сәйкес, денсаулық сақтау министрлігі шешім қабылдайды. Жалпы, мектеп немесе жоғары оқу орны болсын, оқытудың кез келген форматына дайын, – деді ол.
Ол жағдай күн сайын өзгеріп тұратындықтан, оқушыларға білім беру форматы өңірдегі эпидемиологиялық жағдайға баланысты болатынын, демек, осыған қатысты шешім жақын арада қабылданып, халыққа жеткізілетінін атап өтті.
