Халықаралық конференция өтті

М.Әуезов атындағы Оңтүстік Қазақстан мемлекеттік университетінде «Өндірістік технологиялар және инжиниринг» атты VІI халықаралық жыл сайынғы конференциясы өтті. 2014 жылдан бастап өткізіліп келе жатқан конференция биыл да химиялық технология, нано және биотехнология, агроөнеркәсіптік кешен және тамақ индустриясы, табиғатты тиімді пайдалану, IT-технологиялар және т.б. әлеуметтік-экономикалық даму және инженерлік білім беру саласындағы ғылыми зерттеулердің нәтижелерін талқылау мақсатында болды. Шараға ғылыми зерттеулерде маңызды нәтижелері бар жоғары оқу орындары мен ғылыми-зерттеу институттарының ғалымдары және өндіріс өкілдері қатысты.