М.Х.Дулати атындағы Тараз өңірлік университетінің таланты жас ғалымдары инновациялық жобалар ұсынды

М.Х.Дулати атындағы Тараз өңірлік университеті  «Ұстаз» институтының таланты жас ғалымдары   онлайн форматта өткен ХХІІІ студенттердің ғылыми-практикалық конференциясының   іріктеу турында    тың инновациялық жобаларын ұсынды.

«Психология, педагогика және өнер» бағытындағы студенттердің ғылыми-практикалық конференциясының   іріктеу турында  37  жас ғалымдар    өздерінің   инновациялық  Жобаларының тұсаукесерлерін жасады. Әрбір  ұсынылған ғылыми Жобалар  өзіндік  даралық,   жаңашылдық,  терең  мазмұндылық және жүргізілген педагогикалық эксперименттердің шынайылықтарымен  ерекшелінді.

ГТ-19,1 тобының білімгері Е.Хаирбеков ( Ғылыми жетекшілері– п.ғ.д., профессор К.Д. Бузаубакова,  аға оқытушы С.Ж. Бупетаева) «Ұлы Даланың Ұлағаты:  Әбу-Насыр Әл-Фарабидің педагогикалық көзқарастары» тақырыбындағы ғылыми жобасы  жоғары  бағаланды. Жас ғалым Ұлы дала ойшылының педагогикалық көзқарастарын аша отырып, «Пәлсапаны үйрену үшін алдын – ала нені білуі қажет» еңбегінің мәнін  ашып,  ұстаз және шәкірттің  іс-әрекетін  жаңа мазмұнда зерделеген. Жас ғалымның  ғылыми жобасының басты жаңалығы– «Әл-Фараби тағылымы»  Жүзден жүйрік интеллектуалды  байқауының  100 сұрақтан құралған инновациялық мазмұндағы  үлгі- нұсқасын жасап,  ұсынуы.

АЯ-20,1 тобының білімгері Д.Жолдыбекова «Қашықтықтан  оқытудың психологиялық-педагогикалық  аспектілері» (Ғылыми  жетекшісі   аға оқытушы  С.Аубакирова)  атты ғылыми жобасы әдістемелік  жағынан терең ашылған. Жас ғалым  өзінің инновациялық жобасында ЖОО-ғы  дәстүрлі оқыту мен  қашықтықтан оқытудың ерекшеліктерін ашып, салыстырмалы талдау жасап, қашықтықтан оқытудың инновациялық нобайын ұсынуымен ерекшеленді.

ХРГ- 18,1 тобының білімгері  Д.Жансеитованың   ( Ғылыми жетекшісі- аға оқытушы Х.Е.Караматуллаева) «Классикалық бидің   айрықша ерекшеліктері  және  modern» тақырыбындағы ғылыми жобасы  жасөспірімдерді  modern биін үйренуге баулу арқылы олардың шығармашылық қабілеттерін шыңдауға болады деген ой-тұжырымымен жоғары бағаланды.

Болашақ бастауыш сынып мұғалімі А.Чангитбаева «Бастауыш сынып оқушыларының психологиялық денсаулығын зерттеу» тақырыбындағы  ғылыми Жобасы балалардың бақытты, батыл, шынайы, сабырлы болу үшін арнайы дайындаған    «Ата-анаға 7 кеңес» айдарымен  топ жарды.

Жас ғалымдардың     32-сі  келесі шешуші турға жіберілді. Жас ғалымдарға өз жұмыстарын тағы  да басқа қырынан тануға мүмкіндік берілді.

Клара  БУЗАУБАКОВА
М.Х.Дулати атындағы Тараз өңірлік университеті «Білім берудегі менеджмент» кафедрасының меңгерушісі, п.ғ.д., профессор