Министрлік ауылдағы интернет мәселесін шешудің жолын тапты
Қазақстанда 1 200 ауылда интернетке қосылған арнайы киосктер орнатылады. Бұл туралы цифрлық даму, инновациялар және аэроғарыш өнеркәсібі министрі Бағдат Мусин мәлімдеді, деп хабарлайды Sputnik Қазақстан.
“Ауылдарға интернет жеткізу жобасы аясында операторлармен келісіп, 1 200 ауылда интернетке қолжетімділікті қамтамасыз ететін арнайы киосктер орнатамыз. Олар арқылы аудан әкімдігі, халыққа қызмет көрсету орталықтарына, денсаулық сақтау мекемелеріне видеобайланыс арқылы жүгінуге болады”, – деді Мусин үкімет отырысында.
Бұған дейін министрлік жыл соңына дейін 5 200-ден астам елді мекенге интернет тартылатынын мәлімдеген еді.
Фото: Региональная служба коммуникаций Туркестанской области