НЗМ – Қарағанды: Үміткерлерді іріктеу байқауына құжаттар қабылдануда

Қарағанды қаласындағы Назарбаев Зияткерлік мектебінің қабылдау комиссиясы жұмысын жалғасыруда. Назарбаев Зияткерлік мектептері 2021-2022 оқу жылында Назарбаев Зияткерлік мектептерінің 7-сыныбына түсуге үміткер оқушыларға Қазақстан Республикасы Тұңғыш Президенті – Елбасының «Өркен» білім беру грантын тағайындау байқауын жариялаған болатын, – деп хабарлайды осы білім ордасының баспасөз қызметі.

Карантиндік шектеулер кезеңінде қауіпсіздікті қамтамасыз ету және санитарлық талаптарды сақтау мақсатында ата-аналарға құжаттарды тапсыру үшін мектепке баратын күн мен уақытты алдын ала белгілеуге мүмкіндік беретін онлайн брондау сервисі жасалды. Назарбаев Зияткерлік мектебіне оқуға түскісі келетін 6-сынып оқушыларының ата-аналары биылғы жылы қаңтар айының 23-іне дейін қажет құжаттарды мектептің қабылдау комиссиясына тапсыруы тиіс. Конкурстық іріктеу және онлайн-брондау сервисі туралы толық ақпаратпен krg.nis.edu.kz сайтының «Үміткерлерге» бөлімінде танысуға болады. Қабылдау комиссиясының телефоны: +7 (7212) 55-88-80.