Елдос Болатханұлы Нұрланов – “Оқулық”  республикалық ғылыми – практикалық орталығының директоры

Қазақстан Республикасының Білім және ғылым министрі Асхат Аймағамбетовтың бұйрығымен “Оқулық” республикалық ғылыми-практикалық орталығының директоры қызметіне Елдос Болатханұлы Нұрланов тағайындалды, – деп жазылған осы мемлекеттік мекеменің сайтындағы ресми хабарламада. 

Елдос Болатханұлы еңбек жолын колледж оқытушысы ретінде бастап, Ы.Алтынсарин атындағы Ұлттық білім академиясының Ғылыми-зерттеу орталығының аға ғылыми қызметкері, ҚР БҒМ жанындағы Ақпараттық-талдау орталығының вице-президенті, Астана қаласы әкімдігі Гуманитарлық колледжінің директоры, Назарбаев университетінің ғылыми қызметкері лауазымдарын атқарған.

2020-2025 жылдарға арналған Білім және ғылымды дамытудың мемлекеттік бағдарламасының және «Педагог мәртебесі туралы» Заңның жобасын әзірлеуге белсенді қатысқан. ҚР Білім және ғылым министрі Құрмет грамотасымен марапатталған.