Асхат Аймағамбетов: Биылғы қаңтардан бастап дене шынықтыру мұғалімдерінің айлығына жаңа қосымша ақы тағайындалуда
Биылғы қаңтар айының 1-інен бастап балабақшалар, мектептер мен колледждердегі дене шынықтыру мұғалімдерінің айлығына жаңа қосымша ақы тағайындалды. Енді дене шынықтыру мұғалімдерінің еңбекақысына ай сайын қосымша 17 697 теңге төленетін болады, – деп жазады Қазақстан Республикасының Білім және ғылым министрі Асхат Аймағамбетов фейсбук әлеуметтік жілісіндегі парақшасында.
Осы ретте дене шынықтыру мұғалімдерінің функционалы кеңейіп отыр. Мұғалімдер әдетте өткізетін дене шынықтыру сабақтарынан бөлек, қосымша спорттық-сауықтыру сабақтарын, яғни секциялар өткізетін болады. Әр мұғалім қосымша секциялық сабақтар өткізеді, сәйкесінше балалар мектептегі қажетті жабдықтарының болуына байланысты түрлі спорт секцияларына қатыса алады.
Балаларды спорт секциялары арқылы қосымша сабақтарға тарту – салауатты өмір салтын қалыптастыру, білім алушыларды спортқа баулу және олардың денсаулығын нығайту бойынша берілген Мемлекет басшысы Қасым – Жомарт Кемелұлы Тоқаев тапсырмаларының шеңберінде басқа да кешенді шаралар қабылданады.
