БҒМ: Биылдан бастап жоғары оқу орындары жеке үлгідегі дипломдар беретін болады

Биылдан бастап жоғары оқу орындары жеке үлгідегі дипломдар беретін болады. Бұл не береді және жалған дипломнан қалай қорғануға болады? Жеке үлгідегі дипломдар жұмыс берушілерге маман даярлау сапасын бағалауға мүмкіндік береді, – деп хабарлайды Қазақстан Республикасы Білім және ғылым министрлігінің баспасөз қызметі.

Дипломдарда жоғары оқу орны, білім беру бағдарламасының атауы, бітірушінің деректері, оқыту нысаны көрсетілуі тиіс. Берілген дипломға дербес жауапты болатын ректордың қолы болуға тиіс. Салалық ведомства жасаған бірегей сәйкестендіру нөмірі болады. «Білім туралы» заңына сәйкес әр дипломда қорғаныс белгілері болуы керек.

Жоғары оқу орнының осы оқу орнында оқымаған, білім беру бағдарламасын аяқтамаған адамға диплом беруі лицензиядан айыру және аккредиттеуді кері қайтарып алу үшін негіз болады. Жеке үлгідегі дипломдарды қолдан жасау ресми құжаттарды қолдан жасау болып саналады. Мұндай әрекет үшін Қылмыстық кодекстің 385-бабы бойынша жауапкершілік көзделген.