Жамбыл облысы: Өткен жылы атқарылған жұмыстар қорытыланды

Аймақ басшысының орынбасары Жылқыбаев Ержан Жұматұлының төрағалығымен облыстық білім басқармасының мәжіліс залында кеңейтілген алқа мәжілісі ұйымдастырылды, – деп хабарлайды Жамбыл облысы білім басқармасының баспасөз қызметі.

Жиында 2020 жылғы білім саласының жұмыстары қорытындыланып, ағымдағы жылда атқарылатын жұмыстар мен міндеттемелердің жүйелі түрде іске асыру жолдары пысықталды. Бұдан бөлек, мектепке дейінгі тәрбие, орта білім, техникалық және кәсіптік білім беру салаларындағы маңызды мәселелер, мұғалім мәртебесі, бала тәрбиесі мен жасөспірімдер арасындағы құқық бұзушылық сынды өзекті тақырыптар көтерілді.