БҚО-да жаңа екі жатақхана салынуда
Тұңғыш Президентіміз – Елбасы Нұрсұлтан Назарбаевтың «Бес әлеуметтік бастама» жобасын іске асыру шеңберінде жеке инвесторлар есебінен колледж студенттеріне арналған екі жатақхана салу және қайта құру бойынша жұмыстар жүргізілуде, – деп хабарлайды Батыс Қазақстан облысы басқармасының баспасөз қызметі.
Қазіргі таңда Орал политехникалық (Болашақ ЖШС – 150 орын) және Батыс Қазақстан индустриалды колледжінде («Орал трансформатор зауыты» АҚ – 150 орын) студенттерге арналған жатақханалардың құрылысы жұмысы жүргізілуде. Былтырғы жылдың желтоқсан айының 1-і күні Батыс Қазақстан жоғары медициналық колледжінің студенттеріне арналған 144 орындық жатақхана құрылысы аяқталып, пайдалануға берілді («Хайрекешова А.» ЖК). Қазіргі таңда облыстың 17 мемлекеттік колледжінің 19 жатақханасы бар.
Загрузка...