Ақмола облысының білім беру ұйымдарында пікірсайыс қозғалысы белсенді дамуда

Біздің өңірдегі 113 білім беру ұйымдарында бір жарым мыңнан астам баланы қамтитын 129 дебат клубы жұмыс істейді, бұл 96 жалпы білім беретін мектепте, 13 колледжде және 4 қосымша білім беру ұйымдарында. 31 дебат клубы қалалық мектептерде, 98 дебат клубы ауылдық жерлерде ұйымдастырылған, – деп хабарлайды Ақмола облысы білім басқармасының баспасөз қызметі.

Клуб басшылары тарих, география, қазақ тілі мен әдебиеті, орыс тілі мен әдебиеті мұғалімдері, ағылшын тілі мұғалімдері, директордың тәрбие ісі жөніндегі орынбасарлары болып табылады. Пікірсайыс үйірмелері / студиялары ҚР Білім және ғылым министрлігі әзірлеген «Ұшқыр ой алаңы» оқушылардың пікір сайыс қозғалысы» жалпы ұлттық мәдени-білім беру жобасын іске асыру ұсыныстарына сәйкес жұмыс істейді. Оқушылар мен студенттер мектепішілік, аудандық пікірсайыс турнирлерін өткізеді.

Облыстық оқу-әдістемелік шығармашылық дарынды балалармен жұмыс істейтін орталығының жоспарына сәйкес, Ақмола облысының оқушылары «Ұшқыр ой алаңы» дебаттық турниріне қатысады. Жүлделі орындарға ие болған жеңімпаздар республикалық іс-шараға қатысады. Осылайша, екі жыл бұрын 3 бала (қазақ лигасы) номинацияланды, 2019 жылы команда республикада үшінші орын алды. Қазіргі уақытта республикалық деңгейде алты бала қатысып отыр (Бурабай, Зеренді аудандары, Степногорск қаласы).

Сонымен қатар, былтырғы тамыз айында Bolashaq saraiy «Жастар еліміздің болашағы» қалалық турнирін өткізуді жоспарлап отыр. Қосымша білім беру ұйымдарын дамытудың перспективалық жоспарына сәйкес 2020-2025 жылдары Ақмола облысы бойынша он бір қосымша білім беру ұйымдарында (балалар шығармашылық үйі) дебаттық студиялар ашу жоспарлануда.