Ақмола облысы: Меморандуға қол қойылды

Жанайдар Мусин атындағы Көкшетау жоғары қазақ педагогикалық колледжі ынтымақтастық аясын кеңейту әрі «Колледж – Университет» сабақтастығын жалғастыру және республикада техникалық және кәсіптік, орта білімнен кейінгі білім беру құрылымы бойынша алғаш «Логопед қолданбалы бакалавры» мамандығын ашу мақсатында «Манаш Қозыбаев атындағы Солтүстік Қазақстан Университеті» КЕАҚ-мен меморандум жасалды, – деп хабарлайды Ақмола облыстық білім басқармасының баспасөз қызметі.

Меморандум Тараптардың бірқатар бағыттар бойынша күштерін біріктіріп, білім саласындағы ғылыми зерттеулер мен даму стратегиялары бойынша кадрлардың кәсіби біліктілігін арттыру мақсатында ғылыми-практикалық бағытта тәжірибе алмасуына, техникалық және кәсіптік, орта білімнен кейінгі білім беру жүйесі негізінде даярланатын 01130100 «Логопедия» мамандығы бойынша арнайы педагогикалық озат тәжірибелермен бөлісуіне мүмкіндік жасайды.