ҚызПУ: Жас ғалымдар арасында эссе байқауы ұйымдастырылады
Қазақ ұлттық қыздар педагогикалық университетінің магистранттары арасында «Ғылым болашағы. Әйел көрінісі» тақырыбында эссе байқауы басталды. Шығармашылық байқау «Ғылым апталығы» аясында ұйымдастырылып отыр, – деп хабарлайды осы жоғары оқу орнының баспасөз қызметі.
Сайыстың мақсаты – оқу орны магистранттарының ғылыми-шығармашылық сыни ойлау және академиялық жазу дағдыларын дамыту және жас ізденушілердің зияткерлік әлеуетін көтеру. Эсседе отандық ғылымның даму бағыты, ғылым саласындағы әйелдердің рөлі жан-жақты әрі кеңінен ашылуы тиіс.
Загрузка...– «Ғылым болашағы. Әйел көрінісі» жалпы тақырыбына арналған байқауға ұсынылған шығармалар биылғы жылдың 16 сәуіріне дейін дейін жіберілуі тиіс. Жұмыстар project@kazmkpu.kz электронды поштасында қабылданады, – дейді байқауды ұйымдастырушылар. Эссе көлемі 500-ден 1000 сөзге дейін. Шығарманы қазақ, орыс немесе ағылшын тілдерінің кез келгенінде ұсынуға болады. Байқау жеңімпаздары мен жүлдегерлері арнайы сертификаттармен және сыйлықтармен марапатталады.
