Қостанай облысы: Олимпиадашыларға арналған медальдар
Аймақтың жетпіс жеті оқушысы қатысқан республикалық олимпиаданың қорытынды кезеңі биыл он-лайн форматында ұйымдастырылып, жүлделі орындарға ие болған 28 жеңімпаз лайықты марапаттарға ие болды, – деп хабарлайды Қостанай облыстық білім басқармасының баспасөз қызметі.
Білім басқармасы басшысының орынбасары Айман Ибраева қатысушылардың әрқайсысы жеңіске жетіп, үздік атануы үшін қолдан келгеннің барлығын жасағанын атап өтті. Бірақ ең бастысы, олардың әрқайсысы өзін-өзі жеңудің жаңа тәжірибесін жинақтап, болашаққа барар жолға жаңа қадам жасады. Жиырма сегіз жеңімпаздың ішінен 7 оқушы бірінші, тоғыз оқушы – екінші және 12 оқушы – үшінші орынды иеленді. Облыс құрамасы «ҚР Үздік олимпиадалық командасы» аталымы бойынша қола алды. Балаларымыз химия, физика, биология, неміс тілі және өзін-өзі тану пәндерінен үздік нәтижелер көрсете білді.
– Мұғалімім Юлия Анатольевна Боброваға үлкен алғысымды айтқым келеді. Ол екінші орын алдың дегенде, мен жылап жібере жаздадым. Міндетті түрде олимпиадаға қатысамын, енді алтын алуға бағытталдым!, – деп өзін-өзі тану пәні бойынша күміс жүлдегер атанған Сарыкөл ауданының Урицкий мектебінен келген Екатерина Жулканич толқулы түрде әңгімелейді. Қостанай құрамасының арасында олимпиаданың қорытындысы бойынша «Үздік олимпиада мектебі» тақырыбындағы аталым бойынша көш бастаған үшінші орын иегері дарынды балаларға арналған «Білім-Инновация» лицей-интернаты.
Оқушылар өздерінің білімдері және ақыл-парасатымен физика, химия, биология, математика және Қазақстан тарихынан 8 медаль, оның ішінде үш алтын, 3 күміс және екі қола медаль жеңіп алған. «Олимпиада – бұл тек тапсырмаларды шешу ғана емес, бұл жаңа таныстық, эмоциялар. Келесі жылы дәстүрлі форматтағы олимпиадаға қатыса алатыныма сенгім келеді. Лицейдің тоғызыншы сынып оқушысы химия пәні бойынша олимпиада алтынын алған Қали Асанәлі «Менде бәрі алда», – деп өз әсерімен бөлісті.
Қостанай қаласының физика-математикалық лицейінің, Рудный аласындағы Федоров және Сарыкөл аудандарының № 5 гимназиясының оқушылары да табысты өнер көрсетті. Биылғы жылғы жүлдегерлердің жартысы – 11-сынып түлектері, олардың биылғы жылы өмірдің жаңа кезеңі – жоғары оқу орындарына түсуі күтілуде. Олимпиададағы жеңіс, Ұлттық бірыңғай тестілеудің балдары тең болған кезде басымдылық бере отырып, мемлекеттік білім грантын алу конкурсына табысты қатысуына ықпал етуі мүмкін.
