Жасөспірімдер (юниор) онлайн олимпиадасының жеңімпаздары анықталды

Көкшетау қаласындағы «Білім-инновация» лицей-интернатының базасында Жаратылыстану-математикалық бағыттағы пәндер бойынша республикалық жасөспірімдер (юниор) онлайн олимпиадасы ұймдастырылды, – деп хабарлайды Ақмола облыстық білім басқармасының баспасөз қызметі.

Олимпиаданың мақсаты − оқушылардың жаратылыстану-математикалық бағыттағы пәндерді оқытуды ынталандыру, жастарды жоғары дәрежедегі олимпиадаларға дайындау. Биыл пандемия жағдайына байланысты Олимпиада бір мезетте республиканың барлық облыстарда Oqylyk.kz платформасында прокторинг жүйесін қолдану арқылы өткізіледі. Олимпиада математика, физика, химия, биология, информатика және география пәндері бойынша 7-8 сынып оқушылары арасында өткізілді. Бұл білім бәсекесіне біздің аймақтан 23 оқушы қатысты.