Еуразия ұлттық университеті – Қазақстандағы сұранысқа ие жоғарғы оқу орындарының бірі

Аккредиттеу және рейтингтің тәуелсіз агенттігінің (АРТА) мәліметтері бойынша, Еуразия ұлттық университеті  ҚР-2021 жылдың көшбасшы университеттері қатарында. Рейтингке көпсалалы, техникалық, гумнитарлық-экономикалық, медициналық-педагогикалық бағытта білім беретін университеттермен қатар, өнер саласындағы 85-тен астам жоғарғы оқу орындары қатысты, – деп хабарлайды осы жоғары оқу орнының баспасөз қызметі.

Еуразия ұлттық университетінен бөлек негізі үш көшбасшы университеттер құрамына Қазақ ұлттық университеті мен С. Сейфуллин атындағы Қазақ агротехникалық университеті кірді. Зерттеу нәтижесі бойныша, биылғы жылы 2 мыңнан астам білім беру бағдарламалары рейтингіге ие болды, бұл алдыңғы кезеңмен салыстырғанда 20% -ға артық. Ал, өткен жылмен салыстыратын болсақ, АРТА нәтижесі негізінде Еуразия ұлттық университеті 89 жоғарғы оқу орындарының арасынан алдыңғы қатарға шығып, көшбасшылыққа ие болған болатын.