Арухат Жаңбырбайқызы ережесіз жекпе-жек спорт түрінен күміс жүлдеге ие болды

Маңғыстау облысы білім басқармасының Жаңаөзен қаласы бойынша білім бөлімінің №5 мектеп гимназиясының 10 «Ә» сынып оқушысы Иброва Арухат Жаңбырбайқызы Болгария мемлекетінде өтіп жатырған Әлем Чемпионатында «ММА ережесіз жекпе-жек» спорт түрінен күміс жүлдеге ие болды, – деп хабарлайды жергілікті өңірдің осы салалық құрылымының баспасөз қызметі.

Бала күннен спортқа бейім Арухат Жаңаөзен қаласы бойынша білім бөлімінің Оқушылар Шығармашылық Үйінің «Кудо» үйірмесіне 5 жылдан бері қатысып, көптеген жетістіктерді бағындыруда. Болашақта чемпион болуды көздеген Арухаттың жаттықтырушысы Бекмағанбетов Оңғар оқушысына үлкен үміт артып, сенім білдіреді. Арухаттың ата-анасы Көпеков Жаңбырбай Ыбырұлы мен Шырақбаева Назгүл Сауытбайқызы баласының спортқа қызығушылығын қолдап, әрдайым демеу болып, болашағынан зор үміт күтеді.

Қазіргі таңда Арухат «ММА ережесіз жекпе-жек» спорт түрінің Қазақстан Республикасының құрама командасында 70 кг салмақта өнер көрсетіп жүрген кәсіби спортшысы. Арухатты бүгінгі жеңісімен құттықтай отырып, жарқын болашақ пен толағай табыстар тілейміз.