“Ыбырайдың ізімен”: Әуесқой велошабандоздар Нұр-Сұлтан – Қостанай велошеруіне аттанды
«Нұр-Сұлтан – Қостанай» велошеруі тамыз айының 23-і күні сағат 9:00-де Нұр-Сұлтан қаласында Ыбырай Алтынсарин көшесінің бойындағы педагог-ағартушыға орнатылған тақтатас жанынан бастау алды. Веломарафон Тәуелсіздігіміздің 30 жылдығына, Ыбырай Алтынсариннің 180 жылдығына және Ы.Алтынсарин атындағы Ұлттық білім академиясының 100 жылдығына орай ұйымдастырылуда, – деп хабарлайды осы академияның баспасөз қызметі.
Қатысушылардың барлығы – әуесқой велошабандоздар. Іс-шараның мақсаты: Ыбырай Алтынсариннің өнегелі өмірін, бай мұрасын және ізбасарларының еңбегін танытуға, насихаттауға атсалысу; Қалың жұртшылықты, әсіресе, жастарды салауатты өмір салтын ұстануға үндеу; Тәуелсіздіктің қадір-қасиетін сезіну және сезіндіру, патриотизмді насихаттау; Қоршаған ортаны қорғауға, айналаны, табиғатты аялауға үндеу.
Веломарафонның ұзақтығы – 750 шақырым. Велошеру бір бағытқа (Нұр-Сұлтан – Қостанай) жасалады және 6 күнге созылады. Велотоп Қостанай қаласына жеткен соң осы қаланың іргесіндегі Ы.Алтынсарин кесенесіне баруды, Ы.Алтынсарин мемориалдық музейімен танысуды және Ы.Алтынсарин атындағы мектепке баруды жоспарлап отыр. Велотоп бес адамнан тұрады:
Ернат Мелсұлы – бастамашы (инициатор), ағылшын тілінің оқытушы-аудармашысы, «Хабар 24» телеарнасында шетелдік шолушы, журналист, 1982 жылы туған. 2018 жылы 500 шақырымдық «Астана – Ақтоғай», 2019 жылы 208 шақырымдық «Қарағанды – Жаңаарқа», 2020 жылы Абайдың 175 жылдығына арнап 1088 шақырымдық «Нұр-Сұлтан – Жидебай» велошерулерін ұйымдастырған. Қайрат Ырғызбаев – Нұр-Сұлтан қаласының тұрғыны, зейнеткер, ҰКҚ запастағы подполковнигі, пенсионер, 1964 жылы туған. 2019 жылы бүкіл қазақ жерін аралап, 7 мыңнан астам шақырымды артта қалдырған (осы тізімдегі Эрнст Баймұхамбетов екеуі). «Қостанай велоқауымдастығының» мүшесі.
Түгелбек Қасымов – Алматы қаласының тұрғыны, зейнеткер, ардагер-ұстаз, 1945 жылы туған. 76 жастағы ақсақал «Атом қаруына жол жоқ!» деген ұранмен 2016 жылы Жапонияға велосипедпен барған. Ол 40 елді велосипедпен аралап шыққан. Эрнст Баймұхамбетов – Нұр-Сұлтан қаласының тұрғыны, ҚР Президентінің Күзет Қызметінің (қазіргі ҚР Мемлекеттік Күзет қызметінің) отставкадағы полковнигі, зейнеткер, 1955 жылы туған. 2019 жылы бүкіл қазақ жерін аралап, 7 мыңнан астам шақырымды артта қалдырған (осы тізімдегі Қайрат Ырғызбаев екеуі).
Қазыбек Бекеев – Нұр-Сұлтан қаласының тұрғыны, инженер болып жұмыс істеген, зейнеткер, 1954 жылы туған. Бұған дейін «Петропавл – Алматы» бағытында 1800 шақырымды велосипедпен 104 сағатта жүріп өткен.
ВЕЛОШЕРУ БАҒДАРЫ:
№ |
Бағдар |
Шақырым |
Күні |
Апта күні |
1 күн |
Нұр-Сұлтан – Астрахан |
140 |
23 тамыз |
Дүйсенбі |
2 күн |
Астраханка – Атбасар |
140 |
24 тамыз |
Сейсенбі |
3 күн |
Атбасар – Жақсы |
90 |
25 тамыз |
Сәрсенбі |
4 күн |
Жақсы – Октярьское |
142 |
26 тамыз |
Бейсенбі |
5 күн |
Жаныспай – Әулиекөл |
120 |
27 тамыз |
Жұма |
6 күн |
Әулиекөл – Қостанай |
110 |
28 тамыз |
Сенбі |
Барлығы: |
742 (болжалды қашықтық) |
|||
7 күн |
Нұр-Сұлтанға қайту, пойызбен |
|
29 тамыз |
Жексенбі |
Загрузка...