Ақтөбелік зияткер таэквондодан ел чемпионатының жеңімпазы атанды
Ақтөбе қаласындағы физика-математикалық бағыттағы Назарбаев Зияткерлік мектептің 9-сынып оқушысы Әлішер Есеналин таэквондодан спорт мектептері арасындағы өткен Қазақстан чемпионатының күміс медалін қанжығасына байлады. Еліміздің барлық өңірінен 1200 спортшы қатысқан, – деп хабарлайды осы білім ордасының баспасөз қызметі.
Додянгқа 65 кг. салмақта шыққан Әлішер жартылай финалда қарсыласын 21:1 есебімен уақытынан бұрын ойсырата жеңді. Осылайша, ол ақтық сайысқа сенімді кіріп, спорт мектептері арасында Қазақстанның 2 дүркін жүлдегері атанды. Бүгінде тоғызыншы сынып оқушысы WT таэквондодан қызыл белбеу иегері. Ол жекпе-жектің бұл түрімен 9 жасынан бастап айналысады, оның жетістіктер қоржынында 15-тен астам медаль бар. WT таэквондо олимпиадалық спорт түрі болғандықтан, Әлішер болашағын кәсіби спортпен байланыстырғысы келеді.
Загрузка...– Таэквондо жақсыға тәрбиелейді, дене мен жан үйлесімділігіне үйретеді. Анам мені дәл осы спортқа баруымды қалады, бірақ мен қызығушылық танытып, осы жекпе-жекпен қарқынды айналысатынымды білмедім. Жаттығулар енді менің өмірімнің ажырамас бөлігіндей. Таеквондо шыдамдылықты шындайды, төзімділік маған Зияткерлік мектептегі сабақтарда көмектеседі, – дейді Әлішер.