Қазақстан студенттер Альянсының қатары Amanzholov University студенттерімен толықты

Сәрсен Аманжолов атындағы Шығыс Қазақстан университетінің студенттері білім алушылардың құқықтары мен мүдделерін қорғауға бағытталған жастар ұйымының қатарына қосылды, – деп хабарлайды осы жоғары оқу орнының баспасөз қызметі. Студенттердің құқықтары мен мүдделерін қорғау үшін қосымша филиал ашу мақсатында Қазақстанның түрлі университеттерінің белсенділері Сәрсен Аманжолов атындағы ШҚУ-ға жиналды. Айта кету керек, бұл ұйымның басты міндеті – Қазақстан Республикасы Білім Министрлігінің кеңесінде шешілетін студенттердің мәселелерін анықтау.

– Біздің ұйым студенттердің құқықтары мен мүдделерін қорғайды. Шығармашылық, хореография, волонтерлік, дебаттық турнирлер сияқты түрлі бағыттарға бағдарланғанбыз. Бүгін Amanzholov University-де филиалымызды сіздер де ашуымыз үшін үлкен қызықты конференция өткізіп жатырмыз”, – деді ШҚО Қазақстан Студенттер Альянсы штабының жетекшісі Мират Жақсылықов. Мират Жақсылықов, сондай-ақ алдағы уақытта университеттің түрлі бағыттары бойынша оқудан өтетін, одан кейін Қазақстан студенттері Альянсының облыстық штатына кіретін белсенділерді іріктеу жүргізілетінін атап өтті.

С. Аманжолов атындағы ШҚУ студенті Темірлан Теміртаевтың айтуынша, бұл университет пен студенттердің өміріндегі маңызды мәселелерді шешуде жақсы мүмкіндік болып табылады. – Мен өзім филология, тарих және халықаралық қатынастар факультетінің белсенді қатысушысымын, университет басшылығы студенттерге өздерін әр түрлі бағытта көрсетуге мүмкіндік беретініне қуаныштымын. Бұл университет өмірінің өзекті мәселелерін шешуде мүмкіндіктер мен жауапкершіліктің үлкен спектрі, – дейді Темірлан Теміртаев.

Айта кету керек, бұл ұйым 2005 жылы еліміздің Тұңғыш Президенті – Елбасы Нұрсұлтан Назарбаевтың бастамасымен құрылған. Қазіргі уақытта Қазақстан студенттер Альянсы 14 облыста жұмыс істейді.