Ақтөбелік оқушы қолөнерден үздік атанып, Түркияға жолдама алды

Ақтөбе қаласының N57 жалпы білім беретін орта мектебінің 7 “Ә” сынып оқушысы Мақсат Төлеу қолөнерден үздік атанды. “Думанды елім” атты халықаралық қолөнер байқауында бақ сынаған ақтөбелік оқушы Төлеу Мақсат Русланұлы “Бас жүлде” иегері атанып, Түркия елінде өтетін Халықаралық Фестивальге жолдама алды, – деп хабарлайды Ақтөбе облыстық білім басқармасының баспасөз қызметі.

Мақсаттың жетекшісі Маруар Сәрсенбаевада шәкіртінің жетістігіне марқайып, алдағы үлкен додада ел намысын абыройлы алып шығарына сенім білдірді. Мақсат Төлеуді жеңісімен құттықтап, алдағы жарысқа сәттілік тілейміз!