Amanzholov University оқытушылары «Қазіргі жастар арасында отбасылық құндылықтар бар ма?» деген сұраққа жауап берді

С.Аманжолов атындағы Шығыс Қазақстан университеті Ускудар университетінде жүзеге асырылып жатқан, қазіргі жастардың отбасылық құндылықтарын зерделеуге бағытталған жобаға қатысты, – деп хабарлайды С.Аманжолов атындағы ШҚУ баспасөз қызметі.

Ускудар университетімен онлайн-форум аясында Amanzholov University, «Манас» Қырғыз-Түрік университеті, Баку мемлекеттік университеті, Мирзо Улугбек атындағы Өзбекстан ұлттық университеті, Жүсіп Баласағұн атындағы Қырғыз ұлттық университетінің профессорлары отбасылық құндылықтар бойынша зерттеу жұмыстарын ұсынды. С.Аманжолов атындағы Шығыс Қазақстан университетінің ректоры Мұхтар Төлеген өзекті және назар аударарлық жоба туралы төрт тілде баяндама жасады.

– Бұл жобаның ерекшелігі – түркітілдес елдерде тұратын қазіргі жастардың үлкен тобын қамтиды. Бұл жобадағы зерттеуші ғалымдардың жұмысы білім және ғылым саласындағы серіктестікке, Қазақстан мен Түркия жастарының мәдени кеңістігін кеңейтуге жаңа серпін береді, – деді Мұхтар Төлеген.

С.Аманжолов атындағы Шығыс Қазақстан университетінің қызметкерлері өздері жүргізген әлеуметтік зерттеу нәтижелеріне тоқталды. Мәселен, заң ғылымдарының докторы, Amanzholov University оқытушысы Қуат Рахымбердин бұл зерттеу жастардың әлеуметтік және рухани жетілуін, оның дербес және жауапты өмірге дайындығын, неке мен отбасының дәстүрлі құндылықтарына төзімділігін бағалауға мүмкіндік беретінін атап өтті.

– Осы зерттеудің сұрақтарының бірі – «Неке деген не?» Алынған жауаптардан көрініп тұрғандай, қазақстандық жастардың 59,1%-ы некені «Бақытты одақ» деп атады. Бұл көрсеткіш Қырғызстанды есептемегенде ең жоғары көрсеткіш болып табылады, көрші елде сұралғандардың 61,4% осылай жауап берген. Тағы бір жауап нұсқасы: «Неке – бұл жауапкершілік», Қазақстаннан жауап алынған респонденттердің тек 6,9%-ында ғана түсіністік тапты. Салыстыру үшін, Әзірбайжанда бұл көрсеткіш 22,9% құрады. Бұл сандар Қазақстандағы жастардың едәуір бөлігі некені «Бақытты» және «Тыныш» нәрсе ретінде, бақыт айрықша «билік ететін» одақ ретінде қабылдайды деп болжауға мүмкіндік береді, – деп атап өтті Қуат Рахымбердин.

Оның айтуынша, батыс еуропалық әлеуметтік-мәдени дәстүрдің әсерінен жастардың некеге деген көзқарасы отбасы үшін, бала тәрбиесі үшін жауапкершілікпен байланысты емес. Сауалнама нәтижелері бойынша бұл жауапкершілік деңгейі Қазақстандағы жастардың санасында Әзірбайжанға қарағанда үш есе төмен. Осыған байланысты, мысалы, Әзірбайжанға қарағанда, дәстүрлі отбасылық құндылықтарды жастар Қазақстанда аз қабылдайды. Заң ғылымдарының докторы, Amanzholov University қызметкері Қуат Рахымбердиннің айтуынша, бұған Қазақстандағы жастар арасындағы некені бұзу көрсеткіштері дәлел.

Мысалы, Қазақстанда тіркелген некенің 40%-ы олардың ажырасуымен аяқталады. Яғни, жас отбасылардың жартысына жуығы ажырасуда, бұл демографиялық дағдарыс факторларының бірі болып табылады. Кездесу соңында Қазақстанда тарихи тұрғыдан қалыптасқан отбасы мен отбасылық тәрбиенің дәстүрлі құндылықтарын қайтару ұсынылды.