ISO 37001 халықаралық стандарты
Талдықорған жоғары политехникалық колледжі жаңа бағыт ISO 37001 халықаралық стандартын алған елдегі алғашқы орта білім ордасы, колледжде комплаенс қызметі құрылды. ISO 37001 Стандарты дегеніміз – сыбайлас жемқорлыққа қарсы іс-қимылдың тиімді механизмі, – деп хабарлайды осы арнаулы білім ордасының баспасөз қызметі.
2021 жылдың қараша айында Беларусь мемлекетінің «CERT INTERNATIONAL» сертификаттау жөніндегі мекемесінің маманы аудиторлық тексеріс жүргізіп, техникалық және кәсіптік білім беру, орта білімнен кейін білім беру саласындағы мамандарды даярлау, қайта даярлау және олардың біліктілігін арттыру бойынша білім беру қызметтерін көрсету стандартының талаптарына сәйкестігін растайтын ISO 37001:2016 халықаралық сертификатына ие болды.
