Кішкентайынан кітапқа құмар

Өскемен қаласындағы Шәкәрім Құдайбердіұлы атындағы №1 мектептің 3А сынып оқушысы Алима Шарыпқан бір кітапты үш-төрт күнде толық оқып шығады. Қажет десеңіз шығармадағы хикаяның желісін жатқа айтып беретін зеретігі тағы бар, – дейді Шығыс Қазақстан облыстық білім басқармасының баспасөз қызметі.

– Кітап оқуды апам үйретті. Жатарда ылғи «Жеті лақ» ертегісін оқып беретін. Апам әрқашан маған «Көп кітап оқысаң, әке-шешең секілді мектепті кілең бестікке бітіресің. Сосын университеттен қызыл диплом алып шығасың» дейтін. Ең бірінші «Түймедақ» ертегісін оқыдым. Өзіме қатты ұнады, – дейді ол. Кітапқұмар кішкентайдың әкесі көлік жөндеумен айналысады, ал анасы инженер. Үйде ата-әжесінің тәрбиесінде жүрген ол қазақ тілінде емес, орысша да, ағылшынша да кітап оқуды күн сайынғы әдетіне айналдырған.

– Үлгілі оқушымыздың бір жылда жүз кітапты оқығанын білдік. Себебі ол әділқазылар алқасының әр туынды жайлы сұрақтарына еш кідірместен жауап беруі арқылы байқаудың жеңімпаз атанған еді. Ата-аналарының айтуынша ұсауын кескенде алдындағы көп заттың ішінен кітапты таңдап алыпты, – дейді ұстаздар ұжымының жетекшісі, тарих ғылымдарының кандидаты Әділ Сайлаубек.