Қостанайлық оқушылардың ғылыми – зерттеу жобалардағы жетістіктері жоғары

Оқушылар мен жастардың «Адам-Жер-Ғарыш»  атты ХХІ Бүкілресейлік оқу және ғылыми-зерттеу жобаларының олимпиадасында «Озат» оқушыларының жетістіктері жоғары болды. Балалар жылында Халықаралық олимпиадалардағы балаларымыздың жеңістерін мақтан тұтамыз, – деп хабрлайды Қостанай облыстық білім басқармасының баспасөз қызметі.

2022 жылғы 25-30 сәуір аралығында Королев қаласында (РФ, Мәскеу облысы) оқушылар мен жастардың «Адам-Жер-Ғарыш» атты ХХІІ Бүкілресейлік оқу және ғылыми-зерттеу жобаларының олимпиадасы («Созвездие» олимпиадасы) өтті. Егер өткен жылы біздің республикадан тек 2 жоба болса, биыл Қазақстан командасының мүшелері әлдеқайда көп болды.

Біздің облыстың атынан «Озат» мамандандырылған ақпараттық технологиялар мектеп-лицей-интернатының оқушылары: Узаков Даир және Хамитов Нуржан қатысты. Олардың жобалары «Химия» және «Биология» секцияларында ұсынылды. Даир мен Нұржан секцияларда лайықты өнер көрсетті.

Екі жобаны да қазылар алқасы бағалап, жүлделі орындарға ие болды: Даир жобасы ІІ орынды, ал Нуржан жобасы ІІІ орынды иеленді. Балаларды және олардың ғылыми жетекшісі Карина Ансагановна Нугуманованы халықаралық деңгейде табысты өнер көрсетуімен шын жүректен құттықтаймыз!