“Айбын – 2022”: республикалық әскери – патриоттық слетіне ақмолалық оқушылар да қатысты

Қарағанды облысының Спасск қаласында Ақмола облысынан “Арна” жоғары колледжі, Ж. Мусин атындағы жоғары қазақ педагогикалық колледжі, Көкшетау қаласының жоғары техникалық колледжі, Көкшетау қаласының гуманитарлық-техникалық колледжі студенттерінің құрама командасы “Айбын-2022” республикалық әскери-патриоттық слетіне қатысты, – деп хабарлайды осы аймақтағы білім басқармасының баспасөз қызметі.

Жарыстың 12 түрінде жастар өздерінің зияткерлік, шығармашылық қабілеттерін және дене шынықтыру дайындықтарын көрсетті. Үздік дайындық нәтижесінде біздің команда республикада 3-ші орынға ие болды. Айта кетейік, республикалық әскери-патриоттық жастар жиыны 8-рет өтіп отыр. Ағымдағы жылы жарысқа еліміздің барлық өңірлерінен 40 команда қатысты. Барлығы алты жүз адам. Біздің балаларды құттықтаймыз, оларға табыс тілейміз.