Еліміздегі ғылымды дамытудың моделі өзгереді
Ғылым және жоғары білім министрі Саясат Нұрбек Л.Н.Гумилев атындағы ЕҰУ бас ғимаратында Жас ғалымдар кеңесінің өкілдерімен кездесуінде ҚР Президенті Қасым-Жомарт Кемелұлы Тоқаевтың министрліктің алына қойып отырған 4 тапсырмасы қалай жүзеге асырылатынын айтып берді, – деп хабарлайды осы салалық ведомстваның баспасөз қызметі.
Атап айтқанда, Ұлттық ғылым академиясын қайта құру; жоғары оқу орындары негізінде ғылымды дамыту; ғылымның бағыттарын айқындау; ғылыми саланы қаржыландыру тетіктерін қайта қарау жолдары жайлы әңгімеледі. Осы бағытта бірлесе жұмыс істеуге шақырды. Жас ғалымдар министрге өз ұсыныстарын айтып, ғылымды дамытуға үлес қосуға әзір екендерін жеткізді.
