Қазақстанда “YBYRAI MEKTEBI” атты прогрессивті ауыл мектебі ашылды
Шығыс Қазақстан облысының Самар ауданындағы Құлынжон ауылында шағын жинақты мектебінде «Ybyrai mektebi» атты жіксіз оқытудың пилоттық моделі іске қосылды. Осы жобаның аясында қазақстандық білім беру бағдарламасына фин және сингапурлық үздік тәжірибелер енгізілген.
Ауыл мектебінде қайта құру, күрделі жөндеу жұмыстары және жаңа коммуналдық орталық құрылысының жұмыстары жүргізілді, аталған ғимарат толықтай қазіргі заманғы жабдықтармен жабдықталған. Бүгінгі күні бұл 1 жастан 5 жасқа дейінгі балаларға арналған бөбекжай, бастауыш мектеп, орта және жоғары мектеп, сондай-ақ ауылдың барлық тұрғындары үшін комьюнити орталығы бар үлкен кешенге айналып отыр.
Аталған модель үздіксіз оқу процесін, балалардың бала бақшадан бастауыш мектепке дейін стрессіз өтуін және одан әрі оқытудың бірыңғай тәсілін қамтиды. Маңыздысы өзара байланыстың болуы, яғни қоғамдастық орталығының жұмысы міндетті түрде үш жақты -баланың, мұғалімнің және ата-ананың қатысуына бағытталған.
«Ybyrai mektebi тұжырымдамасында біз 0-6 сыныптарды бастауыш мектеп ретінде қарастырамыз және үздіксіз жүйені ұсынамыз. Балаға ең маңыздысы дағдыны игеру керек, бұл – үйрену қабілеті. Ол үшін біз логиканы (дұрыс ойлау қабілеті), риториканы (дұрыс сөйлеу қабілеті), грамматиканы (дұрыс жаза білу) және өнертапқыштық мәселелерді шешу теориясын жетілдіруге назар аударамыз. Жоғары сыныпты аяқтаған әрбір оқушымыз болашақта өзінің кім болатынын нақты түсінуі қажет.
Галлап сынағы арқылы олар 9-10 сыныптарда өз қабілеттері бойынша толық талдау алады. Біз сондай-ақ ата-аналар мен барлық ауыл тұрғындары үшін қолайлы жағдай жасаймыз, басқаша айтқанда, оларды оқу процесіне тартамыз. Бұл – заманауи кітапханасы, кинотеатры, хореографиялық залы, қолданбалы өнер, музыка кабинеттері, балалар және ересектер ойын алаңдары, планетарийі бар қауымдастық орталығы. Егер біз ауылды әлемге шығара алмасақ, әлемді ауылға әкеле аламыз, – дейді Құлынжон мектебінің директоры Аралбек Берікұлы.
«Ybyrai mektebi» атты жобасы Құлынжон мектебінің түлегі Айдын Рахымбаевтың бастамасымен «Aidyn & Anar Rakhimbayev Foundation» қорының қаражатымен жүзеге асырылуда. Жобаға салынған инвестиция көлемі шамамен 2 миллион долларды құрады.
БАҚ өкілдерімен байланыс үшін:
Мирас Іргебаев, 8 (707)279-15-55
