Ақмола облысы: “Жайдарлы жас ұлан” онлайн байқауының жеңімпазы анықталды

«Ақмола дарыны» дарынды балалар мен талантты жастарды анықтау және қолдау жөніндегі орталығы «Жайдарлы Жас Ұлан» облыстық онлайн-сайысын өткізді. Іс – шара өскелең ұрпақты жоғары рухани-адамгершілік құндылықтар негізінде қазақстандық патриотизм рухында тәрбиелеуге, балалар мен жасөспірімдер бастамаларын дамытуға бағытталған, – деп хабарлайды Ақмола облыстық білім басқармасының баспасөз қызметі.

Сайыс төмендегі кезеңдер бойынша өтті: таныстыру; үй тапсырмасы. Ұйымдастырушылардың айтуынша, командалардың бейне материалдары келесі талаптарға сай болуы керек: мәдениетті сахналық деңгейі (сөйлеу мәдениеті, сахнада өзін-өзі ұстауы), жанрлардың көптүрлігі, тапқырлық, актерлік шеберлігі және тағы да басқалар. “Жайдарлы жас ұлан» сайысында облысымыздың аудан/қалаларынан 12 топ бағын сынады.

Сайыстың қорытындысы бойынша төмендегідей жеңімпаздар анықталды: 1 орын – Бурабай ауданы, «Фаворит» командасы; 2 орын – Аршалы ауданы, «Балалар партиясы» командасы; 3 орын – Жақсы ауданы, «Қос нүкте» командасы. Жеңімпаз командалар дипломдармен, ал жеңген командалардың жетекшілері алғыс хаттармен марапатталады. Барлық қатысушыларға қатысқандары үшін сертификаттар табысталады.

Понравился пост? Расскажи об этом своим друзьям!
Загрузка...

21

Добавить комментарий