Шығыс Қазақстанда дүниежүзілік туризм күні аталып өтілді

Өскеменде халықаралық туризм күнін Сәрсен Аманжолов атындағы ШҚУ студенттері мен оқытушылары, Семей қаласының мектеп оқушылары, сондай-ақ Түркиядан келген оқытушылар атап өтті, – деп хабарлайды Amanzholov University баспасөз қызметі.

Шара түркиялық оқытушылар, мектеп оқушылары және “Туризм” мамандығының студенттеріне ШҚО сәулет-этнографиялық және табиғи-ландшафтық мұражай-қорығының Сол жағалау кешені бойынша экскурсия өткізілуден басталды. Жастарды Қазақстанда баламасы жоқ ауқымды кешеннің байлығы таң қалдырды. Бұл ботаникалық саябақ, Ұлы Жібек жолы, отбасылық демалыс аймағы және хайуанаттар бағы. Бірақ қонақтар үшін ең есте қаларлық этно-ауыл және әскери кешен жобасы еді.

Мұражай бойынша саяхат аясында балаларға жазғы және қысқы ас үйі, қонақ бөлме жатын бөлмелер және әйелдер бөлмесі бар ауқатты қазақтың тұрғын үйінің көшірмесі көрсетілді. Экскурсиядан кейін Өскемен қаласының дене шынықтыру, спорт және туризм бөлімінің мамандары қатысушыларды мерекемен құттықтап, Сәрсен Аманжолов атындағы ШҚУ оқытушыларына туризм саласындағы мамандарды даярлау сапасы, жоғары кәсібилігі және көпжылдық адал еңбегі үшін алғыс хат табыс етті.

Сонымен қатар студенттер мен оқушыларға Сәрсен Аманжолов атындағы ШҚУ студенттеріне түрік тілін тікелей оқытатын Бүлент Эджевит университетінің оқытушылары түрік биін көрсетті. Гүл Бану Думан мен Садуллах Думан да балаларға түрік тағамдарын дайындады.