Астанада Азия университеттері альянсының Жастар форумы өтеді

Биылғы қазан айының 24-28 күндері аралығында Назарбаев Университетінде (НУ) «Мета-Жібек жолын құру: нақты және виртуалды әлемде азиялық мәдениеттердің интеграциясы» тақырыбында Азия университеттері альянсының (AUA) Халықаралық жастар форумы өтеді. Назарбаев Университеті Азияның сегіз университет – Альянс мүшелерінен студенттерін қабылдайды. НУ-дың студенттерімен бірге олар шеберлік сабақтары мен семинарларға қатысып, Бурабай курортына және елорданың көрікті жерлеріне барып қайтады, – деп хабарлайды осы шараны ұйымдастырушылардың баспасөз қызметі.

Жылда Форум AUA жыл тұжырымдамасына сәйкес белгілі бір тақырыпқа назар аударады. Биылғы жылы жасанды интеллект, деректер ғылымы, азиялық өркениет және тіршілік ету ортасының болашағына қатысты мәселелерге назар аударылады. 24 қазанда сағат 10:30-да Форумның ашылуы болады. Онда НУ президенті Шигео Катсу мен провост Илесанми Адесида құттықтау сөз сөйлейді. НУ-дың академиялық мәселелер жөніндегі вице-провосты Лоретта О’Доннелл ханым «Мұра және Жібек жолы» тақырыбында, ал Жаһандық байланыстар офисының басшысы Әлия Қаймолдинова «Интернационализация» тақырыбында баяндама жасайды.

26-28 қазандағы Жастар форумының бағдарламасына НУ профессорларының келесі тақырыптар бойынша шеберлік сабақтары кіреді: AI зерттеулері, AR/XR/VR, деректер ғылымы және компьютерлік графика. Қоршаған ортаның денсаулығындағы АИ. Киберқауіпсіздік және блокчейн. Деректер – бұл жаңа мұнай: деректер талдауына негізделген Alibaba-ның көп миллиард долларлық бизнес үлгісі. Жібек жолы мұрасын сақтау: қиындықтар мен шешімдер. “Рухани жаңғыру» НУ Мәдени орталығы ұлттық өнер бойынша шеберлік сыныбын ұсынады.

Жастар форумы (AUAYF) Азия аймағындағы даму мәселелерін шешуге, жастардың мүмкіндіктерін кеңейтуге және Альянс студенттері арасындағы мәдени және академиялық алмасуды ілгерілетуге арналған AUA-ның жыл сайынғы жетекші орны болып табылады. Назарбаев Университеті – Азия университеттері альянсына енген өңіріміздегі жалғыз университет. Альянс құрамына Азиядағы 15 университет кіреді, оның ішінде Гонконг ғылым және технология университеті, Үндістанның Бомбей технологиялық институты, Сингапур ұлттық университеті, Пекин университеті, Токио университеті және тағы да басқалар.