Microsoft компаниясы еліміздің ғылым және жоғары білім саласына инвестиция салуға ниет білдірді
Microsoft компаниясы еліміздің ғылым және жоғары білім саласына инвестиция салуға ниет білдірді. Алпауыт компанияның өкілдерімен, атап айтқанда, Орталық-Шығыс Еуропадағы білім беру секторының жетекшісі Албена Спасова, шешімдер бойынша маманы Давид Чиаберашвили және Microsoft компаниясының еліміздегі менеджері Сергей Лещенкомен кездесіп, өзара әріптестік байланыс орнату жайлы әңгімелестік, – деп хабарлайды ҚР Ғылым және жоғары білім министрі Сясат НҰРБЕК.
Албена Спасова ханым білім беру жүйесінде инновациялық технологияларды тиімді пайдалану бойынша бірқатар ұсыныстарын айтты. Осыған байланысты желтоқсан айында екі жақты меморандумға қол қою туралы тоқтамға келдік.
