Информатикадағы жаңа технологиялар

Ақтау қалалық білім бөліміне қарасты жергілікті оқу-әдістемелік орталығының  жұмыс жоспарына сәйкес №6 жалпы білім беретін мектептің базасында «Информатика пәнінде жаңа технологияларды қолдану» тақырыбы бойынша әдістемелік семинар ұйымдастырылды, – деп хабарлайды Маңғыстау облыстық білім басқармасының баспасөз қызметі.

Жүздесу барысында осы білім шаңырағындағы информатика пәнінің мұғалімдері Байзулина Бакыт Жакуовна «Электронные таблицы в MS Excel», Хайдырова Алтынай Синбаевна «Роботтар әлемінде», Жеменей Мұхаммедрасул Шапурұлы «Мультимедиа на веб сайтах», Дүйсекеш Әсет Дүйсекешұлы «Разработка сайтов в nicepage» тақырыптарында ашық сабақтар өткізіп, іс – тәжірибелерімен бөліскен болатын.

Бишекенова Дамехан Кожабайкызы «Полезные ресурсы для учителей информатики», Хыйлыева Айжан Аскаровна «Создание различных видов тестов в конструкторе курсов Ispring Suite» тақырыптарында тренинг-сабақтар жүргізсе, Отарова Гүлбану «Компьютерные игры: вред или польза?» тақырыбында білімгерлермен дебат ұйымдастырды. Семинарға білім бөліміне қарасты білім ұйымдарының ұстаздары белсене қатысып, жоғары деңгейде өтуі үшін үлестерін қосты.