Солтүстіктегі ұлттық жобалар

Премьер-Министрдің орынбасары Алтай КӨЛГІНОВ өткен аптаның сенбі күні Солтүстік Қазақстан облысына жұмыс сапары аясында бірқатар әлеуметтік нысанның құрылысымен және «Ауыл Аманаты», «Ауылдық денсаулық сақтауды жаңғырту», ​​«Жайлы мектеп» ұлттық жобаларының іске асу барысымен танысты. 

Алтай Сейдірұлы жұмыс сапары барысында 68 заманауи зертханамен жабдықталған Манаш Қозыбаев атындағы СҚУ-дың жаңа оқу-зертханалық корпусына барды. Өткен жылы Аризона университетімен бірігіп, қос дипломды оқу бағдарламасы іске қосылды.

Халықаралық бағдарлама бойынша әр қаладан 155 студент білім алып жатыр. Студенттер үшін 1 700 орындық жаңа жатақхана салынуда. Сонымен қатар «Жайлы мектеп» ұлттық жобасы аясында облыс орталығы Петропавл қаласында жаңадан төрт мектептің құрылысы басталады.