Солтүстік Қазақстан облысы: Жаңа жабдықтармен жарақтандырылды
Аймақтағы есту қабілеті бұзылған балаларға арналған мектеп-интернатында «Арнайы мектептік білім беру ұйымдарын жабдықтау» жобасының тұсаукесері ұйымдастырылып, бұл шараға өңірдің бас педагогы Назир Жашибеков арнайы қатысты, – деп хабарлайды Солтүстік Қазақстан облыстық білім басқармасының баспасөз қызметі.
Қайырымдылық жобаның басты мақсаты – арнайы мектептерді заманауи жиһаздармен және оқу жабдықтарымен жаңарту. Кабинеттерде заманауи және ыңғайлы жиһаздар, компьютерлер, интерактивті панельдер, станоктар мен шеберханаларға арналған қажетті құрылғылар пайда болды. Жаңа тактильді-дамыту және сенсорлық жабдық, соңғы модификациядағы сөйлеу тренажерлері балалардың қалпына келуіне және оңалтылуына көмектеседі.
Заманауи құрал-жабдықтармен төрт арнайы мектеп жабдықталған, жобаның құны шамамен сексен миллион теңгені құрайды. Тұсаукесерге Айсағалиева София Серікбайқызы – «Қазақстан халқына» қоғамдық қоры басқармасы төрағасының орынбасары; Русина Александра Григорьевна – «Kazdidac» қауымдастығы басқармасы төрағасының орынбасары; Исимбаев Еркін Тұрашұлы – «Kazdidac» білім беру технологиялары орталығының директоры, Тағаниязов Нұржан Миржанұлы –денсаулық сақтау басқармасы басшысының бастапқы медициналық-санитарлық көмек ұйымдарының жұмысы жөніндегі орынбасарының міндетін атқарушы шақырылған болатын.
Тұсаукесерге жиналған мүдделі құрылымдардың ресми өкілдері мәлімдегендей оқу процесінде заманауи оқу-түзету-дамыту жабдықтарын пайдалану ерекше білім беру қажеттіліктері бар балаларды тәрбиелеу, дамыту және әлеуметтендіру үшін қолайлы жағдайлар жасауға мүмкіндік береді. Алдағы уақытта бұл жоба тағы үш білім ордасында жалғасын табады.
Загрузка...